Gjyshja ime, Ghebreyesus dhe dr Fauci

Përditësuar më 27 May 2021, 15:28

Gjyshja më e vjetër e lagjes përherë na thoshte ato që gjyshja e saj i kishte thënë vetë asaj: Laj duart shpesh, mbaj një shami me vete kur del jashtë, dhe mos i teshti njeriu në surrat.

Gjyshja i kishte vetem shkollën e jetës, nuk ishte kineze dhe as nuk quhej Tedros Adhanom Ghebreyesus që për të luftuar pathogjenin propozoi ndalimin e jetës, të lëvizjes së lirë, të ekonomisë etj etj, dhe që qeveritë po bëhen 2 vjet që po ja zbatojnë 1 më 1.

Është e qartë tashmë për të gjithë se pathogjeni nuk pyet as për Qeveri, as për Komitet Ekspertash, as për izolim, ndalim të aktivitetit ekonomik apo jetësor. E vetmja gjë që e ndalon pathogjenin është imuniteti i njeriut, dhe çdo aktivitet, higjenë, ushqim apo ushtrim që rrit imunitetin e njeriut.

Kaq e vërtetë është kjo, saqë kur Antonio Fauci gjatë një bisede të hapur me studentët e Grossman School of Medicine të Universitetit të New Yorkut sapo mbaroi së treguari atyre mënyrat e reja të shpikura nga CDC sesi transmentohet pathogjeni dhe vendosi t’i verë në provë studentët nëse ata i kishin kuptuar ato metoda, një student i vitit të dytë ngriti dorën dhe tha:

Po ja mënyra e transmetimit të pathogjenit, është ajo që ka qenë gjithmonë. Për ta ilustruar marrim një markuç dhe një pe. Ia lidhim peun pathogjenit në mes dhe e fusim në markuç nga njeri krah. Do shohim që pathogjeni do do dalë në anën tjetër. Ja kështu transmetohet pathogjeni.

Fauci, rrudhi edhe më shumë tiparet e veta, dhe me inat e mistrecllëk se ky student i injoroi të gjitha format e reja të transmetimit sipas CDC-se, iu kthye: Po sikur pathogjeni të kthehet në mes të rrugës?

Përgjigjia e studentit ishte e menjëhershme: Po ce o Fauci, mentë e tua ka pathogjeni ?!