Goditën 15 vjeçarin te liqeni në Tiranë, pezullohet nga detyra polici

G.N është efektivi që ka ushtruar dhunë mbi të miturin dhe është pezulluar nga detyra, ndërsa për 3 efektivët e tjerë që ishin në vendngjarje po vazhdojnë hetimet nga SHÇBA.

Video e dhunimit të 15 vjeçarit qarkulloi në rrjetet sociale, ku tregohej se si 4 policë kishin shtrirë dhe godisnin një të mitur, pasi ai nuk kishte zbatuar orarin e lëvizjes.

Djali i mitur u arrestua dhe u dërgua në rajonin e policisë, ndërsa më pas ka qenë nëna e tij që ka shkuar ta marrë.

15 vjeçari ka dalë nga rajoni me shenja të qarta të dhunë në trup, ndërsa është shprehur se edhe gjatë rrugës për në rajon policia ka ushtruar dhunë mbi të.

Ndaj këtij agresiviteti të Policisë kanë reaguar figura politike, përfaqësues të shoqërisë civile, mijëra qytetarë, por nuk ka pasur as edhe një reagim publik nga qeveria, nga Ministria e Brendshme apo qoftë edhe nga Policia e Shtetit.