Goditi gazetarin, gjykata liron nga burgu të arrestuarin

Gjyqtarja   e Tiranës Armela Hasantari,  ka liruar nga burgu Renato Bodurrin, i arrestuar tre ditë më parë si i dyshuar si një nga pjesëmarrësit në sulmin kriminal ndaj gazetarit Gjergj Zefi, pasditen e 3 tetorit 2023, në rrugën “Bardhok Biba” në Tiranë.

Teksa Prokuroria ka kërkuar masën e sigurisë arrest me burg në bazë të provave të mbledhura, gjyqtarja Hasantari,  ka vendosur lirimin e Bodurrit nga burgu.

Gjyqtarja pretendon se prokuroria nuk ka prova kundër Bodurrit, ndërsa makina është prova kyçe e prokurorisë për implikimin e Bodurrit.  Sulmi ndaj gazetarit Gjergj Zefi besohet se është sponsorizuar dhe urdhëruar nga një ose dy figura të krimit dhe korrupsionit.

Renato Bodurri është menaxher në lokalin e famshëm Living në Elbasan, në pronësi të grupit Çopja.