Grafiku i Ramës:

Ai thotë se në 10 ditët e fundit ka rënie graduale të shtrimeve në spital dhe kjo sipas tij, vetëm falë masave të marra por edhe rezistencës së qytetarëve.

“Shumë e rëndësishme: falë masave të shpejta e të forta dhe rezistencës suaj të shkëlqyer, 10 ditët e fundit kemi rënie graduale të shtrimeve në mjediset spitalore covid”, shkruan kryeministri i cili shton më tej se nëse vazhdohet kështu, do dalim fitimtarë më shpejt se shumë të tjerë.

“Ky tregues që e has shumë pak, për të mos thënë fare në vendet e tjera nën agresion, ku mbingarkesa e spitaleve po vjen si haraç për vonesat në marrjen e masave, na thotë qartë se e para, po bëjmë gjënë e duhur; e dyta, duhet të vazhdojmë kështu, me durim të madh, sepse armikun e kemi pas çdo porte; e treta; po vazhduam kështu do të dalim më shpejt fitimtarë se shumë të tjerë, më të mirë, më të fortë dhe me kokën lart përpara brezave që vijnë nga kjo sfidë historike”, përmbyll Rama.