Gruaja me probleme mendore 6 muajshe shtatzënë, arrestohet 20 vjeçari, që e abuzoi seksualisht
Një 20 vjeçar ka përfunduar në prangat e policisë së Devollit, pasi dyshohet se ka kryer marrëdhënie seksuale me një 43 vjeçare mendërisht e paaftë.
Gruaja është paraqitur në spitalin e Bilishtit ku pas konstatimeve të mjekëve ka rezultuar shtatzënë 6 muajshe.
Pas hetimeve nga policia ajo është shprehur se ka qenë e abuzuar seksualisht nga Klavjo Karuni, 20 vjeç, nga Mirasi. E dhunuara është me orgjinë nga Ponçara.
Rasti është regjistruar në një fshat të Njësisë Administrative Miras.
NJOFTIMI
Specialistët për Hetimin e Krimeve në Komisariatin e Policisë Devoll, bënë ndalimin e shtetasit K. K., 20 vjeç, banues në një fshat të Njësisë Administrative Miras, pasi dyshohet se ky shtetas, ka kryer marrëdhënie seksuale me një 43-vjeçare, me aftësi mendore të kufizuar.
Materialet i kaluan Prokurorisë pranë Gjykatës së Shkallës së Parë Korçë për veprën penale “Marrëdhënie seksuale ose homoseksuale me persona të pazotë për t’u mbrojtur”.
Keni një histori? Denonco anonimisht, identiteti juaj mbrohet.
Denonco
