Hajdutët shqiptarë një problem i ri për publikun francez

Ministri i punëve të brendshme të Francës Collomb gjatë vizitës së tij në Shqipëri ngriti tri probleme shqetësuese për Francën. Problmet sipas tij ishin: azilkërkuesit shqiptarë, klandestinët shqiptarë, që nga Franca synojnë Anglinë dhe krimin e organizuar shqiptar në Francë. Ministri Collomb për arsye të kuptueshme nuk e përmendi dhe mediat e kazanit nuk e pyetën gjatë konferencës së shtypit me ngjyra sportive, që ai pati me kryeminsitrin Edvin edhe për lidhjet e bandave kriminale shqiptare me terroristët në territorin francez. Ministri nuk përmendi as bezdinë e kthyer në shqetësim që keqbërësit dhe kriminelët e vegjël shqiptar i shkaktojnë publikut francez.

Në këtë kontekst tipik është ky lajm nga qyteti i Ruenit. Në Ruen 2 azilkërkues shqiptarë kishin ardhur nga kampi i klandestinëve afër qytetit të Diepës. Ata kishin vjedhur me thyerje në 3 dhjetor 4 makina, para se të prangoseshin nga xhandarët francezë. Në gjykatë 2 hajdutët të quajtur Gladiol D. 23 vjec dhe Ardit L. 19 vjeç u dënuan me 4 dhe 5 muaj burg. Ata më pas do të dëbohen për në Shqipëri pa iu shqyrtuar deri në fund kërkesa për azil në Francë.