Hetimet për privatuimin e Kompleksit Partizani, ish-ministri Fatmir Mediu paraqitet në SPAK

Përditësuar më 21 September 2022, 11:24

Ish-ministri i Mbrojtjes Fatmir Mediu është paraqitur sot në SPAK.

Mësohet se ish ministri do të merret në pyetje lidhur me hetimet që po kryen Prokuroria e Posaçme për tragjedinë e Gërdecit.

Mësohet se Mediu është thirrur në Prokurorinë e Posaçme Antikorrupsion për çështjen e privatizimit të ish-Kompleksit ‘Partizani’. Mediu është thirrur si deklarues për çështjen e privatizimit të godinës, ndërsa akuzohet për ‘Shpërdorim detyre’.

Ish-ministri u paraqit në SPAK në orën 10:00, për të dhënë shpjegime para prokurores Enkeleda Millonai mbi procedurat për privatizimin e ish-kompleksit. Prokurorja urdhëroi paraqitjen e detyrueshme të Mediut, për të dhënë të dhëna të dobishme për këto hetime.

Sipas prokurores, nëse ish-ministri nuk do të paraqitej, ai do duhej të shoqërohej në mënyrë të detyrueshme nga policia për të dhënë sqarime. Prokuroria po kryen hetime mbi bazën e një kallëzimi të bërë nga kreu i grupit parlamentar të PS, Balla. Ai ka kallëzuar disa zyrtare dhe ish-zyrtarë, përfshi ish-kryeministrin Berisha, Arben Imamin dhe Jamarbër Maltezin, duke i akuzuar ata se përmes shkeljeve kanë privatizuar kompleksin. Më herët është paraqitur Balla, ku ai thuhet se ka dhënë prova të reja, për atë që ai e ka quajtur skandal.

Gazetarja ka siguruar dhe kërkesën që kreu i SPAK, Arben Kraja i ka dërguar Kuvendit, ku kërkohej marrja në pyetje të Mediut.