HETIMET/ Vrasja e Bilalit në Tiranë, kush është i arrestuari dhe roli në krim (EMRI)
Një person është ndaluar nga policia e Tiranës lidhur me vrasjen e Arben Bilalit në Tiranë. I ndaluari mbrëmjen e djeshme është Arben Tirana (Xhetani), 43 vjeç dhe me precedentë të mëparshëm.
Xhetani dyshohet se ka ndihmuar ekzekutorët në sigurimin e makinës që u përdor në vrasje. Ai është me precedentë të mëparshëm penalë në fushën e vjedhjes së automjeteve.
“Në vijim të veprimeve për zbardhjen, dokumentimin dhe arrestimin e autorëve të vrasjes së shtetasit A.B, në bazë të urdhërit të ndalimit të lëshuar nga Prokurori, u bë kapja dhe ndalimi i shtetasit në kërkim A. T (Xh), 47 vjeç, banues në Shkozë, Tiranë, i dyshuar për kryerjen e veprës penale ‘Veprime që pengojnë zbulimin e së vërtetës’. Vijon puna hetimore për zbardhjen e plotë të ngjarjes”, njoftoi Policia.
Arben Bilali u ekzekutua me 14 plumba pranë banesës së tij në zonën e “Selitës” në Tiranë, paraditen e 30 janarit. Ndaj tij u qëllua nga një makinë në lëvizje, teksa Arben Bilali ishte duke ecur.
Momenti i atentatit
Ngjarja dyshohet të jetë kryer për hakmarrje ndërsa Bilalit më herët përgjatë viteve 1998 dhe 2010 i kanë vrarë dhe dy vëllezër të tjerë.
Keni një histori? Denonco anonimisht, identiteti juaj mbrohet.
Denonco
