Higuain i lumtur që Chelsea kualifikohet në finale

Gonzalo Higuain ka shijuar mbrëmjen e djeshme suksesin e tij të parë me fanellën e Chelseat.

Sulmuesi argjentinas nuk luajti për asnjë minutë në ndeshjen e Kupës ndaj Tottenhamit, por e pa atë nga tribuna.

“Blutë” e Sarrit u kualifikuan për në finale pasi triumfuan falë penalltive, ndërsa festës pas ndeshjes iu bashkua edhe Higuain.

Ai është ndjerë menjëherë pjesë e ekipit duke zbritur në fushë pas vërshëllimës përfundimtare duke festuar me shokët e ekipit.

Festa e Higuain ka marrë vëmendjen e të gjithëve pasi duket dëshira e tij për të dhënë maksimumin me ekipin e ri.