Humb jetën pacienti në Senatorium, dyshohet për….

Një tjetër rast vdekje është shënuar në Tiranë, ku shkak dyshohet të jetë “gripi i derrit”. Sipas informacioneve një pacient, 37 vjeç nga Elbasani ka humbur jetën sot në spitalin ‘Shefqet Ndroqi’ në Senatorium.

News24 bën me dije se shkaku i vdekjes mund të jetë gripi. Mësohet se vdekja e tij ka ardhur si pasojë e një komplikacioni në mushkëri, kjo ka përkeqësuar gjendjen e tij duke i marrë edhe jetën.

Kujtojmë që ky është rasti i katërt i vdekjeve të dyshuara nga gripi, dy prej të cilave janë të konfirmuara nga ISHP.