I afërmi i 41-vjeçares: Ne vritemi për sedër !S’mund t’i thoja lëre burrin

Kushëriri i parë i 41-vjeçares që u vetëvra në Durrës duke konsumuar fotoksinë ka folur lidhur me ngjarjen e rëndë.

Ai tha se ngjarja mund të ishte paralajmëruar, por megjithatë u shpreh se në momentin kur gruaja ka pirë fotoksinën fëmijët kanë qenë në gjumë.

Pjesë nga intervista:

“Ne vritemi dhe në sedër se nuk mund t’i thuash motrës lëre dhe hajde te shtëpia jonë se dhe kalamajt i ka të mëdhenj. Ajo ka 2 vjet që nuk i kishte shenjat të mira me burrin e vet. Fëmijët 2 ditë nuk treguan gjë që të bëhet varrimi. Mbrëmë kanë dhënë deklaratat e vërteta. Unë dua të më zbardhet e vërteta. Të mos thonë bluzat e bardha që nuk ka shenja dhune.”, tha Neziri, kushëriri I parë i 41-vjeçares

A mund të ishte parandaluar ngjarja?

“Mund të ishte parandaluar nga mbesa dhe djali i dytë, por ai e ka bërë në kohën kur kalamajtë kanë qenë në gjumë. Ka përfituar që të mos kuptojnë fëmijët. Çfarë mund të bëjnë vëllezërit? Ajo është ankuar nja 2 herë, nuk e mohoj, i ka thënë kushëririt tim që nuk shkoj mirë. Ne jemi dhe miqësi e përzier kushëriri im ka për nuse kushërirën e tij.”, tha ai.

Çfarë dini për hisorinë e rrjeteve sociale?

“E di që e ka bërë një denoncim. Nuk kam informacion nëse shteti ka marrë masa. Ka qenë dhe burri i vet kur janë bërë këto gjëra.”, u shpreh Neziri

Vëllai i 41-vjeçares

Vëllai i 41-vjeçares që u vetëvra pas konflikteve të vazhdueshme me burrin e saj si dhe bullimizit në rrjetin social TikTok, kërkon drejtësi për motrën e tij.

Në një intervistë televizive ai është shprehur se burri i 41-vjeçares e dhunonte vazhdimisht motrën e tij. Ai nuk përjashton as mundësinë që mund ta ketë detyruar burri që të pinte fotoksinë.

Ai tha se do të vazhdojë të jetë një mbështetje për 4 nipat dhe mbesat e tij.

“23 vjet, 23 minuta nuk i ka parë asnjëherë. Bënte nga një fëmijë dhe ikte. Një fjalë të dobët për atë vajzë nuk e kemi dëgjuar. Ka qenë një vajzë që nuk kishte fjalë. Isha në Greqi. Më mori nusja në telefon dhe ajo më tregoi. Mbesat dhe nipat, nuk i lë. Fëmijët i kam të rritur dhe do i mbaj unë. Do i lutem shtetit, që të zbardhi çështjen. Spitali thotë se nuk është rrahur, por ajo ka shkuar me plagë në kurriz. Ajo ka pasur shenjë në krahun e majtë. Motra ime nuk ka pasur asnjë ditë të bardhë në atë shtëpi. Ka pasur shenja dhune në trup. Jam i bindur se motrën e vrau burri i saj. I lutemi shtetit që të zbardhë ngjarjen. Motrën time nuk e shpnin plumbat dhe jo më të pinte helmin. Dhuna ndaj motrën ka qenë e vazhdueshme, por kishim shpresë se ai do të ndryshonte”, shprehet një nga vëllezërit.