I akuzuar për dosje, Blendi Fevziu: Hapeni dosjen time

Përditësuar më 8 December 2022, 13:52

CNA.al dy ditë më parë iu drejtua me një letër zyrtare, Autoritetit për Informimin mbi Dokumentet e ish-Sigurimit të Shtetit, duke kërkuar hapjen e dosjeve për shtatë persona publikë, pjesë e jetës aktive politike dhe asaj mediatike.

Ilir Metaj, Fari Balliu, Artan Hoxha, Blendi Fevziu, Niko Peleshi, Lindita Nikolla dhe Bledi Çuçi.

CNA.al teston me këtë rast sa i vërtetë është fakti se u ndryshua ligji për hapjen e dosjeve dhe sa akses do të ketë publiku në lidhje me ata njerëz që janë pjesë e aktivitetit publik, politik, mediatik e të tjerë.

Midis emrave të renditur është edhe gazetari, publicisti, Blendi Fevziu.

Fevziu tha se shpreson që Autoriteti i Dosjeve të na japë dosjen e tij, të hapet ajo e në rast se nuk do ta bëjë Autoriteti i Dosjeve pra ndryshimet në ligj nuk kanë rezultuar në një përfundim që është hapja e dosjeve të bashkëpunëtorëve të ish-sigurimit të shtetit për njerëzit që kanë aktivitet publik, atëherë ai është i gatshëm që t’i japë autorizim për të bërë hapjen e saj.