I arrestuar për 137 kg kokainë dënohet me 8 vite burg Gentian Malindi

Gentian Malindi, i arrestuar disa kohë më parë me akuzën e ngritur nga SPAK-u se është porositës i 137 kg kokainë të kapura në vitin 2019 në Portin e Durrësit, është dënuar me 8.8 vite burg.

Malindi kërkoi gjykim të shkurtuar, gjë e cila u pranua nga GJKKO.

Procesi ndaj tij kishte nisur në mungesë me gjykim të shkurtuar, ndërsa ishte pezulluar prej një viti për shkak se nuk u arrestua dot nga autoritetet.

Ai ra në pranga të enjten e 27 tetorit 2022 në afërsi të Vorës, ndërsa ndaj Malindit ka nisur edhe një procedim tjetër që po zhvillohet në Gjykatën Penale të Tiranës.