Identifikohen dy viktimat e aksidentit të rëndë në Fier

Janë identifikuar viktimat e aksidentit të rëndë që ndodhi në orët e para të mëngjesit të sotëm në aksin Fier-Levan, ku humbën jetën dy persona. Burime bëjnë me dije se një banore e zonës i ka identifikuar personat që humbën jetën si Ndue dhe Pashkë Preçi, nga fshati Shtyllas, të cilët ishin duke shkuar te vajza e tyre në fshatin Qarr.

Mjeti tip “Toyota” me të cilin çifti udhëtonte ka dalë nga rruga dhe ka përfunduar në një kanal me ujë në anë të rrugës, nga ku Policia dhe zjarrfikësit nxorën më pas trupat e pajetë të tyre. Nuk dihet ende se çfarë e ka shkaktuar aksidentin e rëndë, ndërkohë që hetimet vijojnë ende nga ana e Policisë.