Identifikohet viktima në Durrës, dyshohet se u mbyt nga moti i keq

Një ngjarje e rëndë është regjistruar në Durrës, ku është gjetur i pajetë Astrit Hysenaj, 54 vjeç, punonjës i Bashkisë Durrës, i cili ishte raportuar i humbur prej dy ditësh.

Trupi i tij është gjetur i mbytur në një kanal, në zonën e Plepave, rreth 15 metra larg Marinës Detare.

Gazetari Robert Hasa ka mësuar se, viktima ishte shpallur i humbur nga familjarët, ndërsa kërkimet për gjetjen e tij kishin vijuar gjatë dy ditëve të fundit.

Gazetari ka siguruar foto nga vendi i ngjarjes, ku shihet zona ku u gjet trupi i pajetë i 54-vjeçarit.