Zëdhënësja e Partisë Demokratike, Ina Zhupa, përmes një videoje të publikuar në Facebook, ka akuzuar kryetarin e Bashkisë së Tiranës, Erion Veliaj se ka “vjedhur” këngën e 100-vjetorit të Tiranës.
Demokratja thekson se kënga e Tiranës është kopjuar nga kënga e Londrës.
“Vesi del me shpirtin! Veliaj duhet të vjedhë në çdo fushë! Tirana në këtë 100 vjetor mund të kishte qindra këngë të orkestruara posaçërisht për të, duke e nderuar kryeqytetin, duke përfshirë edhe motivet tironse pse jo.
Por jo, Veliaj zgjodhi që për 100 vjetor Tiranën ta nderonte me një vjedhje të radhës, me këngën e Londrës!
Pasi kopjoi logon, nuk kishte si mos të kopjonte edhe kolonën zanore ndërkohë që kanë shpenzuar mijëra euro nga paratë e qytetarëve të Tiranës. Tirana e vjedhur është çdo ditë nga Veliaj, por s’kishte nevojë t’ja u kujtonte edhe për 100 vjetor! Tirana nuk e meriton një hajdut serial si Veliaj”, shkruan Zhupa.
