Indriti, i riu që u ekzekutua me breshëri kallashi në Mamurras?

27-vjeçari Indrit Pepa është viktima e atentatit me armë zjarri të ndodhur gjatë natës që lamë pas në qytetin e Mamurrasit.

Ngjarja ndodhi në lagjen “Zef Hoti”, rreth orës 4:30 të mëngjesit.

I riu Pepa është prind i një fëmije dhe mësohet se pjesën më të madhe të kohës jetonte jashtë shtetit.

Sipas policisë, autori i kësaj ngjarjeje është 49-vjeçari A.M., i cili është arratisur dhe po punohet për kapjen e tij.

Paraprakisht mësohet se viktima ka pasur një konflikt çasti me disa persona gjatë mbrëmjes së djeshme, çka dyshohet që të jetë bërë edhe shkak i vrasjes së tij me kallashnikov.

Indrit Pepa u ekzekutua me breshëri kallashnikovi dhe u dërgua me urgjencë drejt spitalit të Traumës në Tiranë, për të marrë kujdesin e nevojshëm mjekësor, por nuk arriti t’u shpëtonte plagëve të marra dhe ndërroi jetë rrugës.