Inerte në zemër të Elbasanit dhe në anë të Shkumbinit/ Reagon policia: Rastet janë referuar në bashki, kemi nisur aksionin e pastrimit

Elbasani është një nga qytetet më të ndotur nga inertet që derdhen në çdo cep të tij dhe sidomos buzë lumit Shkumbin.

Policia e Elbasanit, në një deklaratë për mediet njofton se ka evidentuar disa raste të ndotjes së mjedisit dhe ua ka adresuar bashkive përkatëse, me qëllim marrjen e masave për heqjen e tyre.

“Pas referimit të rastit nga Komisariati i Policisë Peqin, për ndotjen në luginën e lumit Shkumbin, prej disa ditësh bashkia e Peqinit vijon punën për pastrimin e mbeturinave të hedhura e grumbulluara prej vitesh në këtë luginë”, njofton policia.

Policia e Peqinit njofton se në bashkëpunim me bashkinë e këtij qyteti, ka filluar prej disa ditësh një aksion pastrimi, por nuk ka asnjë deklaratë nëse janë identifikuar autorët përgjegjës të kësaj katastrofe mjedisore dhe nëse do të vendosen përballë përgjegjësisë.