Inter dhe Juve 8 gola për të ndarë dy pikë

Kështu mund të cilësohet “derbi i Italisë” mes Interit dhe Juventusit, i cili përfundoi në barazim spektakolar me shifrat 4-4. Që do të ishte një supersfidë u pa që në minutat e para të ndeshjes. Zielinski me penallti zhbllokoi shifrat, teksa Juventusi reagoi me anë të Vlahoviç e Ueah për të përmbysur gjithçka.

Gjithsesi, skuadra e Simone Inzagit shënoi sërish, madje dy herë, me anë të Mkhitarian e Zielinski për të shkuar në dhomat e zhveshjeve me avantazhin 3-2.

Në të dytën, Damfris shënoi për 4-2, teksa aktivizimi i Jilldiz nga stoli rezultoi “karta” fituese e Tiago Motës. Turku shënoi dy herë brenda pak minutave për t’i dhuruar një pikë me tepër peshë Juventusit.

Me këtë barazim Inter qendron në kuotën e 18 pikëve, ndjekur nga torinezët me një më pak në vendin e tretë. Ndërkaq, kreu mbahet nga Napoli me 22 pikë.