Interi mposht Atalantën dhe mbyll vitin 2022 me fitore

Interi ka arritur të mbyllë vitin kalendarik 2022 me një fitore me përmbysje, duke triumfuar në Bergamo në stadiumin “Gewiss” ndaj Atalantës me rezultatin 2-3, e vlefshme për javën e 15-të në Serinë A italiane.

Serinë e golave e hapën bergamaskët me anë të një 11-metërshi të shndërruar në gol nga Lukman në minutën e 25′.

Më pas ishte Edin Xheko, i cili realizoi për zikaltërit nga Milano në minutën e 36′.

Ishte sërish sulmuesi boshnjak, ai që përmbysi shifrat në 1-2 duke realizuar në minutën e 56′. Autogoli i Palominos i dhuroi golin e tretë të besuarve të Simone Inzagit në minutën e 62′.

Ishte sërish Palomino, ai që ngushtoi diferencat në minutën e 77′.

Me këtë sukses, Interi mban vendin e katërt me 28 pikë të grumbulluara, ndërsa Atalanta ndodhet në vendin e 6 me 27 pikë.

FT | ATALANTA 2-3 INTER

Lukman 23′ (p), Palomino 77’/ Xheko 36′, 56′, Palomino (AG) 62′

RENDITJA –

-GOLI I PALOMINOS

-AUTOGOLI I PALOMINOS

-GOLI I DYTË I XHEKOS

-GOLI I XHEKOS

-GOLI ME PENALLTI I LUKMAN

FORMACIONET ZYRTARE –

ATALANTA – (3-4-1-2): Muso; Toloi, Demiral, Skalvini; Hatebur, Ederson, Kompeiners, Mahjle; Pasaliç; Lukman, Zapata. Trajner: Xhanpiero Gasperini.

INTER – (3-5-2): Onana; Skriniar, De Vraj, Bastoni; Dumfris, Barela, Çalhanollu, Mikitarjan, Dimarko; Lautaro Martinez, Xheko. Trajner: Simone Inzagi.