Ish-ambasadori i Shqipërisë në OKB, Abdi Baleta ndahet nga jeta
Ish-ambasadori i Shqipërisë në OKB dhe një ndër themeluesit e PD, Abdi Baleta, ka ndërruar jetë në moshën 84-vjeçare.
Lajmi për ndarjen nga jeta të ish-ambasadorit shqiptar është njoftuar përmes një postimi në rrjetet sociale të familjarëve të ish-ambasadori.
“Me pikëllim njoftojmë se sot u nda nga jeta bashkëshorti dhe babai ynë, Abdi Baleta. Për shumëkënd ishte diplomat, gjykatës, politikan, zë i fuqishëm për kombin.
Për ne ishte burrë i thjeshtë e i drejtë, bashkëshort, baba e gjysh që na mësoi me shembullin e tij. Dlirësia dhe dinjiteti dhe forca e karakterit ishin tiparet e tij”, shkruan Linda Baleta, e bija e ish-ambasadorit në Facebook.
I lindur në vitin 1941 në fshatin Gur i Bardh të Matit, Baleta u formua në fushën e marrëdhënieve ndërkombëtare në Moskë dhe më pas përfundoi studimet për drejtësi në Universitetin e Tiranës në vitin 1964.
Ish-ambasadori i Shqipërisë në OKB dhe një ndër themeluesit e PD, Abdi Baleta, ka ndërruar jetë në moshën 84-vjeçare.
Në vitet e para pas rënies së komunizmit ai u bë një nga zërat më të fortë në mbrojtje të çështjes kombëtare dhe interesave të shqiptarëve në rajon. Në politikë, Abdi Baleta njihej për qëndrimet e tij të drejtpërdrejta dhe shpesh të papajtueshme me kompromiset e ditës. Përkrahësit e shihnin si një figurë të pakompromis, kritik të hapur dhe të palodhur për çështjet që besonte.
Përtej karrierës publike, familja e kujton si një burrë të thjeshtë e të drejtë, bashkëshort dhe baba të përkushtuar, që u mësoi fëmijëve me shembullin e tij dashurinë për familjen dhe vendin.
Kujtimi i Abdi Baletës do të mbetet i bekuar si për ata që e njohën nga afër, ashtu edhe për publikun që e njohu përmes zërit të tij kritik dhe të vendosur.
Keni një histori? Denonco anonimisht, identiteti juaj mbrohet.
Denonco
