Ish deputeti: Sa turp,“E ndajnë pakon e makaronave për të majtët e jo për votuesit e PD”

Ish-deputeti i PD-së, Ervin Salianji, e ka cilësuar “situatë më emergjente se çdo emergjencë”, gjendjen e shkaktuar në zonat e prekura nga tërmetet në Korçë.

Në një postim në facebook, Salianji shkruan se në zonat e prekura ka nevojë emergjente për ushqime, ilaçe e batanije, ndersa akuzon se ne ndarjen e ndihmave favorizohen te majtet dhe jo votuesit e PD-së.

Postimi i plotë:

Situatë më emergjente se çdo emergjencë, shpallja e gjendjes se jashtëzakonshme, dëmshpërblimi për çdo pronë të dëmtuar dhe përqëndrimi i gjithë burimeve në bashkitë Korçë, Devoll dhe Kolonjë, kryesisht në Floq, Qafzez dhe Vidohovë në zonat e shkatërruara nga tërmeti!

Fëmijë të vegjël, gra, të moshuar dhe burra të gjunjëzuar dhe me lot dhimbje për mundin e gjithë jetës te shkuar dëm dhe për pamundësinë për të ndihmuar familjet që flejnë me keq se bagëtitë në kasolle apo çadra skandaloze pa asnjë kusht.

Nuk është kërkesë për përfitim politik, ështëkerkese njerëzore përcveçse detyrim ligjor për të ndihmuar qindra familje që vuajnë në mes të rrugëve! Nuk zgjidhet situata me facebook dhe me parada por me përqëndrim të çdo burimi në zonë, ka nevojë emergjente për ushqime, ilaće, batanije dhe më shumë se keto kanë nevojën të sigurohen që prona dhe jeta e tyre do të rindërtohen!

Turpi i mbuloftë gjithë ata punonjës administrate që e ndajnë për të majte dhe jo për votuesit e PD dhe pakon e makaronave që nevojitet për të mbajtur frymen e banorëve!