Ish-drejtori i ALUIZNI-t, Flamur Gjuzi shpallet në kërkim

Shpallet ne kërkim për shpërdorim detyre ish-drejtori i ALUIZNI-t të qytetit te Durrësit, Flamur Gjuzi, ndërsa po me te njëjtën akuze u arrestua punonjësja e këtij institucioni Lusiena Kola, e cila u lirua serish nga gjykata dhe do te hetohet ne gjendje te lire.

Kola u arrestua nga policia me urdhër të prokurorisë pasi Gjykata vendosi ‘Detyrim paraqitje’ për të, ndërsa Gjuzi vijon te jetë ne kërkim.

Burimet bëjnë me dije se zyrtarët e ALUIZNI kanë shpërdoruar detyrën në legalizimin dhe regjistrimin e disa pronave të paluajtshme.

Ne bashkëpunim edhe me zyrtarë të tjerë ata dyshohet se u kanë dhënë disa shtetasve, në kundërshtim me ligjin, dokumentat e pronësisë në zonën e bregut si dhe në zona të tjera te qytetit të Durrësit.