ISHTE KANDIDATE PËR GJYKATËN KUSHTETUESE, KPK SHKARKON PARTNEREN E ENKELEJD ALIBEAJT
Komisioni i Pavarur i Kualifikimit largoi nga sistemi Mardisa Xhaferllarin, kandidate për të marrë postin e Inspektorit të Lartë të Drejtësisë dhe për një nga vendet vakante në Gjykatën Kushtetuese.
KPK theksoi se Xhaferllari nuk ka statusin e magjistrates pasi nuk ka përfunduar testin e shkollës së magjistraturës.
Marsida Xhaferllari më herët ka punuar si kryeinspektore e Ministrisë së Drejtësisë dhe KLD-së. Gjatë seancës në KPK, sipas relacionit ajo doli pa probleme në kriterin e pasurisë dhe atë të pastërtisë së figurës, edhe pse Operacioni Ndërkombëtar i Monitorimit kishte ngritur disa çështje sa i përket kriterit të profesionalizmit.
Xhaferllari është njëherazi partnerja dhe bashkëjetuesja e ish deputetit demokrat Enkelejd Alibeaj i cili ka kontestuar jo pak procesin e reformës në drejtësi.
Shpesh nga selia blu, Alibeaj ka dalë me deklarata zyrtare kundër disa gjyqtarëve e prokurorëve të cilët kanë kaluar procesin e vettingut, përfshirë këtu dhe vetë kryeprokuroren Arta Marku.
Keni një histori? Denonco anonimisht, identiteti juaj mbrohet.
Denonco
