Ja deri kur do të qëndrojnë mbyllur kufijtë e jashtëm të BE-së

KE i këshilloi liderat e vendeve të BE-së këtë të premte që të zgjasin ndalimin e udhëtimit për 30 ditë të tjera. Ndonëse kjo do të jetë në dorë të secilës qeveri, vendet që janë në Shengen deri tani kanë ndjekur një strategji të përbashkët.

“Qëllimi kryesor mbetet ndalimi i përhapjes së koronavirusit përmes udhëtimit”, tha Margaritis Schinas, zëvendës presidenti i Promovimit të mënyrës së Jetësës Tonë Europiane.

“Pavarësisht progresit në disa shtete Europiane, situata në botë mbetet delikate. Ndaj vendimet duhen marrë në mënyrë graduale, dhe kufizime të caktuara të hiqen në momente të caktuara”.