Evi Kokalari, Evis Kokalari apo Evi Angelakis çdo herë e më shumë zhytet në gënjeshtra.
Shpeshherë është treguar me fakte miqësia e Evi Kokalarit me Veliajn, por së fundi një tjetër detaj e vërteton këtë.
Evi Angelakis, Evis Kokalari apo Evi Kokalari, e pretenduara konservatore amerikane, në shfaqet në foto krah kryebashkiakut Erion Veliaj.
Fotoja e Kokalarit me Erion Veliajn është publikuar në rrjete sociale nga aktivistja Adriana Kalaja, e cila ka publikuar dhe komentet agresive dhe fyese të Kokalarit.
Por ashtu siç e ka kthyer në zakon, kur kapet mat në gënjeshtër sulmon pa mëshirë çdokënd. Këtë herë në shënjestër ka vënë aktivisten Adriana Kalaja ndaj së cilës drejtohet me një gjuhë tejet ofenduese.
“Adriana Kalaja, ti je copa e idiotes mi grua. Aman se nuk ka më turp që ti je në PD. Ty të ka blerë Ilir Meta kokë dhe këmbë dhe meqë ra fjala për mua mos fol më sepse vulgarizmi yt më ofendon përtej çdo mase normale. PD do pastrohet nga llumi ordiner si ty. Së shpejti më beso. Shko lypi ndonjë lekë a vend pune Metës. Llum”, thuhet në komentin e Kokalarit.
Në këtë mënyrë, Kokalari na tregoi që e ka numrin e kreut të Bashkisë Tiranë dhe komunikon me këtë të fundit.
Sa u përket sulmeve, kjo nuk është hera e parë që Evi Angelakis apo Evi Kokalari sulmon në një mënyrë të ashpër.
Këtë e ka bërë edhe me eksponentë të tjerë politikë, përfshirë ish-kryeministrin Sali Berisha, Belind Këlliçin dhe FRPD-në e shumë personazhe të tjera, ku përmes komenteve në rrjetet sociale shfryn të gjithë inatin e saj.
