Kalaja padit në SPAK Këshillin e Ministrave: Është shpërdoruar detyra

Kandidati për deputet i PD-së, Aulon Kalaja, ka folur pas daljes nga ambientet e SPAK-ut.

Kalaja bëri me dije se ka bërë një kallëzim penal për Këshillin e Ministrave në lidhje me faljen e gjobave pak ditë përpara zgjedhjeve.

Më tej Kalaja e cilësoi këtë si një shpërdorim detyre dhe tha se ka ndikuar në rezultaitn e zgjedhjeve.

Kalaja ka kërkuar hetimin e rastit dhe cilësimin si krim zgjedhor.

“I jam drejtuar SPAK-ut me një kallëzim penal për Këshillin e Ministrave në lidhje me faljen e gjobave vetëm 2 ditë para zgjedhjeve. Besoj se është shpërdoruar detyra nga Këshilli i Ministrave. Ligji përcakton se 4 muaj para zgjedhjeve deri në formimin e qeverisë së re nuk mund të bësh politika për gjobat. Mendoj se ka ndikuar në rezultatin e zgjedhjeve. Jam pro faljes së gjobave, por nuk mund ta bësh periudhë zgjedhjesh.

SPAK ta hetojë këtë rast si krim zgjedhor“, tha Kalaja.