Kallëzimi i PD në SPAK për inceneratorët, mes të akuzuarve edhe ish-ministri Lefter Koka
Partia Demokratike ka depozituar ditën e sotme në Strukturën e Posaçme Anti Korrupsion (SPAK) kallëzimin për inceneratorët duke pretenduar se është kryer një vjedhje disa miliona euro.
Në prononcimin e tyre pas depozimit të kallëzimit, ish-deputetja e PD Jorida Tabaku dhe sekretari i çështjeve ligjore Çlirim Gjata, deklaruan se personat e paditur janë trajtuar si “grup i strukturuar kriminal”.
I pyetur nga gazetarët e kush e drejton këtë “grup kriminal”, Gjata përmendi emrat e paditur, kryeministrin Edi Rama, ministrin Arben Ahmetaj dhe Klodian Zoton e Mirel Mërtirin.
Por mes të akuzuarve është edhe emri i ish-ministrit të LSI-së Lefter Koka, i cili në vitin 2014 kur u nënshkruan marëveshjet me firmat koncesionare ishte Ministër i Mjedisit.
Kujtojmë që në vitin 2014 në qeveri së bashku me Partinë Socialiste ishte edhe LSI, ministër i të cilës ishte edhe Lefter Koka, por rrugët e tij me LSI-në u ndanë në vitin 2019, kur nuk pranoi të digjte mandatin si kolegët e tij opozitarë.
Tashmë që PD dhe LSI janë bashkë, përfshirja e tij në kallëzimin në SPAK për inceneratorët mund të quhet edhe një “hakmarrje” e LSI-së, për veprimin e mos djegies së mandatit.
Lefter Koka:
Keni një histori? Denonco anonimisht, identiteti juaj mbrohet.
Denonco
