Kandidati i PD për Shkodrën ‘detyrohet’ të hapë ‘FB’, kolegët në përpjekje për ta promovuar

Bushati është një politikan që ka ruajtur një profil të ulët në media. Më herët ai ka mbajtur postin e Kryetarit të Këshillit Bashkiak, duke qenë një politikan i njohur në qytet, por ‘i panjohur’ për publikun. Fushata elektorale, veç se në terren dhe në media, duket se zhvillohet e ashpër edhe në rrjetet sociale.

Por marrëdhëniet e këtij kandidati me botën virtuale kanë qenë të ngrira. Nga një kërkim i thjeshtë në Facebook, figuron se adresa e tij është hapur vetëm dy ditë më parë. Nëpërmjet një statusi në Facebook ai shpreh mirënjohjen për këtë kandidim, duke kërkuar votën e bashkëqytetarëve të tij.