Kandidati për Gjykatën Kushtetuese, drejt konfirmimit në detyrë

Gjyqtari i Gjykatës së Durrësit, Rexhep Bekteshi, u përball këtë të enjte pa problem me Komisionin e Pavarur të Kualifikimit, që kishte kryer një hetim të trefishtë për të.

Bekteshi, njëherësh edhe kandidat për në Gjykatën Kushtetuese, rezultoi pa probleme në aftësitë profesionale, pastërtinë e figurës dhe pasurinë.

Sipas KPK-së, gjyqtari ka në pronësi të tij një apartament me sipërfaqe 70.66 metra katrorë në qytetin e Durrësit, të privatizuar në vitin 1993 për shumën e 12,960 lekëve. Si burim të kësaj shume ka deklaruar pagat e tij dhe të bashkëshortes, që sipas hetimit kanë rezultuar të jenë të sakta.

Lidhur me një shtesë në këtë apartament, me vlerë 450 mijë lekë, që gjyqtari ka deklaruar si burim të ardhurat nga pagat e tij e të bashkëshortes, Komisioni ka konstatuar se ai ka pasur burime të ligjshme për krijimin e saj.

Më tej janë verifikuar edhe një llogari rrjedhëse në emër të gjyqtarit në shumën e 675 mijë lekëve dhe një depozitë bankare njëvjeçare në shumën e 505 mijë lekëve, që kanë rezultuar pa probleme.

Më shumë nga Lajme

Zëri yt bëhet lajm.