Ndërtohet stadium me 60 mijë vende për performancën e tij

Reperi amerikan Kanye West do të performojë në Tiranë më 11 korrik 2026, në një event që pritet të jetë ndër më të mëdhenjtë e organizuar ndonjëherë në Shqipëri.

Për këtë koncert madhështor, autoritetet kanë parashikuar ndërtimin e një stadiumi të posaçëm me kapacitet rreth 60 mijë spektatorë. Arena, e quajtur “Eagle Stadium”, do të ngrihet në zonën e Kasharit, pranë aksit Tiranë–Durrës.

Lajmi u bë i ditur nga ministri i Turizmit, Kulturës dhe Sportit, Blendi Gonxhja, i cili e cilësoi këtë event si një moment historik për vendin.

Sipas tij, koncerti do të jetë një super-produksion i standardeve globale, duke e kthyer Tiranën në një qendër të vëmendjes ndërkombëtare.

Nga albumet ikonike si The College Dropout deri te Donda, artisti ka ndikuar fuqishëm jo vetëm në muzikë, por edhe në modë dhe kulturën pop globale.

Ky event synon të vendosë Shqipërinë në hartën e eventeve të mëdha ndërkombëtare, duke tërhequr mijëra vizitorë dhe vëmendje globale.