Policia speciale e Tiranës arrestoi sonte një koordinator të PS me armë zjarri në cantë.
Më datë 19.06.2017, Shërbimet e Seksionit të krimeve ndaj jetës, Shërbimet e posaçme operacionale dhe Forcat Shqiponja, kanë arrestuar në flagrancë shtetasin:
– ,Gerald Ciku 37 vjeç, banues në Tiranë
Ky shtetas është konstatuar nga Shërbimet e Policisë në qendër Vorë, duke udhëtuar në automjetin tip Volksëagen, ku në çantën që mbante me vete, në brendësi të saj ju gjet dhe sekuestrua në cilësinë e provës materiale.
Një armë zjarri pistolet e llojit TT
Materialet proceduriale do ti kalojnë Prokurorisë pranë Gjykatës së Shkallës së Parë Tiranë për veprën penale “Prodhimi dhe mbajtja pa leje e armëve luftarake dhe e municionit”, parashikuar nga Neni 278 i Kodit Penal.
Ciku, i njohur ndryhse edhe si Albert është koordinator i PS në bashkinë e Vorës.
Partia Socialiste e Vores ka reaguar pas lajmi të publikuar në media se është shoqëruar në polici Albert Ciku, koordinator i PS-së.
“Partia Socialiste e Vores deklaron me pergjegjesi te plote se Albert Ciku nuk eshte koordinator, pjese e strukturave te Partise Socialiste Vore dhe as anetar i thjeshte i Partise Socialiste. I bejme thirrje mediave te mos deformojne informacionin e mos te keqperdorin publikun”, thuhet në reagimin e Partisë Socialiste, dega Vorë.
