Kapet mushka me 33 kilogramë drogë në kufi

Sekuestrohen 33 kilogramë drogë në kufirin me Malin e Zi, arratiset trafikanti

Policia e Malit të Zi ka sekuestruar në kufirin me Shqipërinë 33 kilogramë marijuanë.

Sipas burimeve të mediave malazeze, lënda narkotike po transportohej në vijën kufitare nga person shqiptar me anë të një mushke e ndërsa ka parë policët, trafikanti ka hedhur drogën në tokë dhe është arratisur në territorin shqiptar.

Agjentët nuk kanë bërë të mundur identifikimin e tij, ndërsa bëhet me dije se autoritetet shqiptare janë informuar lidhur me ngjarjen.

Policia e Malit të Zi ka nisur hetimet për zbardhjen e ngjarjes.