Karikature nga Belortaja/ Falur qoftë…

Falur qoftë..

Diçka asimetrike,
E hidhur,
E helmët,
Diçka e pabesë,
E zhultë,
E padrejtë,
Duket se del
Nga poret
E asaj lëkurë,
Ego zemërgurtë,
Humnerë llahtare,
Del prej shkëlqimit
Të vockël
Të mprehtë
Si vezullim gjilpëre
Të syve të zinj
Si thëngjij të shuar
Pangopësisht
Pas zjarresh
Urrejtjes herë.
Maskat e buzëqeshjeve
Filmike
Nuk i mbulojnë dot
Ligësitë dhe mëkatet.
Të pafajshëm vetëm flokët,
Dhe gjithçka e leshtë
Në të…

Medi Belortaja