Kasapët e “Spitalit Amerikan” i morën 4000€ dhe jetën!

E sëmurë me tumor në mitër, mjekët kasapë të Amerikan 2 ishin në dijeni dhe gjithsesi pranuan ta operonin për heqje dhjami 28-vjeçaren Irida Hasalla e cila vdiq pasi e futën nën thikë.

Është kjo përmbledhja tragjike e mjekësisë shqiptare dhe kryesisht lakmisë për para kur madje vihet në lojë edhe jeta e një njeriu.

E reja e cila kurohej në Belgjikë për kancer, ndërroi jetë një ditë pas operacionit pasi siç thonë familjarët, ajo pësoi trombozë pas operimit sapi tentoi të çohej në këmbë.

Asnjë nga infermieret e Amerikan 2 nuk pranoi ta shoqëronte për në banjo dhe aty 28-vjeçarja u rrëzua në tokë për të mos u çuar më. Iu mënshtrua një tjetër operacioni për 6 orë pasi pësoi trombozë.

Mjekët e këtij spitali që i sheh pacientët si kafshë për t’u therur, për mjekim të pakujdesshëm, pasi 28-vjeçarja me sëmundjen që kishte, tumor në mitër, nuk duhej t’i nënshtrohej asnjë ndërhyrje kirurgjikale.

Vëllai i tij, Arenc Hasalla thotë:

“Sëmundja e tillë nuk e lejon me bo asnjë lloj veprimi, as me heq dhëmballë, as antibiotikë asgjë“.

Ditën që e reja i është nënshtruar ndërhyrjes kirurgjikale, me të ka qenë shoqja e saj e cila thotë se janë shpenzuar 4000 euro për këtë operacion.

“Janë paguar mbi 4000 euro për operacionin, përpos analizave”.

Irida i është nënshtruar operacionit të hënën, më 29 janar në në orën 14:30 minuta. Vëllai i saj thotë se ajo ka qenë mirë pas operacionit, por kur ajo ka kërkuar të shkojë në tualet, infermieret nuk e kanë shoqëruar dhe ajo ka pësuar trombozë sapo është ngritur në këmbë.

“Në orën 10:00 ka dashur të shkojë në tualet. Një nga infermierët i thotë shko vetë. Në momentin që është ngritur është rrëzuar, i ka rënë trombozë. Pastaj u fut në sallën e operacionit, ishte pa ndjenja 6 orë”.

Por si po tenton Klodian Allajbeu të mbulojë kasaphanën e fundit të ndodhur në spitalin e tij pas denoncimeve të pafundme e rasteve skandaloze?!

Në skedën e vdekjes thuhet se 28-vjeçarja ka humbur jetën për shkaqe të panjohura, por do jetë autopsia ajo që zbulojë shkakun e vërtetë të vdekjes.

Nga ana tjetër, policia ka nisur hetimet për ngjarjen e rëndë si dhe marrjen në pyetje të familjarëve, mjekëve si dhe anestezistit që kanë marrë pjesë në operacion, por asnjë person nga ky spital nuk është ndaluar megjithëse rastet e vdekjeve nga pangopshmëria për para janë të përsëritura.

Spitalit nuk i është hequr licenca, pavarësisht se janë marrë disa jetë njerëzish, e pronari me mjekët as nuk janë ndaluar. Kaq mjafton për të kuptuar se kjo është mjekësia dhe drejtësia shqiptare miq.