“Rama ka garuar me timon, tepsi dhe këngë tallava”

Drejtuesi politik i PD-së për Tiranën, Belind Këlliçi ka debatuar me nënkryetaren e Asamblesë së PS-së Ilva Gjuzi në Opinion.

Kjo e fundit tha se, PD në kaq kohë nuk ka patur një program pretendim i cili është hedhur poshtë nga Këlliçi.

Këlliçi tha se Rama në 6 zgjedhjet e fundit ka hyrë në zgjedhje me timon, tepsi dhe këngë tallava.

Ai iu drejtua Gjuzit se nëse pretendon se PD nuk ka program atëherë nuk është realiste dhe nuk e di se çfarë po flet.

“Më bën përshtypje që të pretendosh se PD nuk votohet se nuk ka program. Përballë “të hëngasha zemrën” ne kishim program.

Nuk e di sa e ka ndjekur në 6 palë zgjedhjet e fundit Rama ka garuar me timon, tepsi dhe këngë, tallava. Që të akuzosh PD që gjëja e vetme që e bën në mënyrë ekselente janë departamentet sekretariati, oferta ekonomike, premtimet konkrete. Të thuash këtë ose nuk jeton në realitet ose nuk e ke idenë se për çfarë po flet”, tha Belind Këlliçi