Këlliçi kërkon përjashtimin e Ballës nga seanca në Kuvend

Deputeti i Partisë Demokratike, Belind Këllëçi, ka kërkuar sot përjashtimin nga seanca të kreut të grupit parlamentar të PS, Taulant Balla, duke argumentuar se ky i fundit ka fyer deputetët e opozitës gjatë fjalës së tij në foltore.

Këllëçi u shpreh se Balla përdori shprehje ofenduese dhe kërcënuese, duke përmendur se ai:

• “fyeu direkt deputetët e opozitës duke përdorur termin ‘nuk jam si këta që lehin’ apo ‘nuk jam raca e këtyre’”;

• “kërceu deputetin Balliu dhe intimidoi të tjerët, duke i quajtur dikujt mashtrues e dikujt gënjeshtar”.

Deputeti i PD-së bëri thirrje që, sipas nenit 60 të rregullores së Kuvendit, Balla të përjashtohet për fyerje të përsëritura ndaj deputetëve të opozitës. Ai kërkoi gjithashtu ndërprerjen e seancës për të shqyrtuar pamjet filmike dhe për të verifikuar nëse Balla kishte përdorur këto shprehje dhe nëse ndonjë deputet i opozitës kishte fyer ndonjë anëtar të mazhorancës.

“Kemi vetëm një palë që fyen, dhe kjo është kreu i grupit parlamentar të PS,” theksoi Këllëçi.