Këlliçi nis turin e dëgjesave të qytetarëve në Tiranë/ “Do të flisni për realitetin ku jetoni”

Deputeti i Partisë Demokratike, Belind Këlliçi ka nisur takimet për dëgjesat  e qytetarëve në kryeqytet.

Nëpërmjet një postimi  në rrjete sociale ai ka bërë të ditur se takimet kanë filluar tek njësia 7 në Tiranë dhe më pas do të vijonë në çdo njësi administrative.

“Ju them me zemrën plot se nisa turin e parë të dëgjesave me bashkëqytetarët. Për fillim tek Njësia 7 dhe në vijim në çdo njësi administrative. Do të flisni ju për Tiranën, për realitetin ku jetoni, për shqetësimet që keni dhe për kritikat që nuk ju jepet hapësira publike t’i shprehni. Belindi”, shkruan në postimin e tij/