Këlliçi takime në zonën e ish-Qytetit të Nxënësve

Kreu i forumit rinor të Partisë Demokratike dhe kandidat për deputet, Belind Këlliçi ka zhvilluar takime me tregtarë të vegjël në zonën e ish-qytetit të nxënësve në kryeqytet.

Reagimi:

Kalova përmes tregut në ish Qytetin e Nxënësve për të biseduar me tregtarë të vegjël. Mjafton pak kohë qëndrimi këtu për të parë se fuqi blerëse nuk ka.

Shkova edhe në tregun e komunitetit Rom, ku banorëve u kërkohet nga bashkia të lëvizin nga zona pa asnjë plan akomodimi për ta.

U ndala gjithashtu në rr. “Vasfi Samimi”, e shkatërruar totalisht prej vitesh. Kjo është një nga rrugët më të rëndësishme që lidh Qytetin e Nxënësve me Kombinatin.

Në 90% të familjeve që takova, 2 nga 3 femijët e tyre janë larguar nga Shqipëria. Familje të zhytura në borxhe të mëdha që presin me shpresë të shohin ndryshim.

Duhet t’i japim fund kësaj varfërie që largon krahun e punës dhe forcën vitale të rinisë! Më 25 prill, të gjithë të bashkuar për ndryshim.