Këngëtari i njohur diagnostikohet me kancer

Këngëtari i njohur, Don Omar ka zbuluar se është diagnostikuar me kancer. Ai e bëri njoftimin në një postim në Instagram të hënën, por 46-vjeçari nuk ka treguar asnjë detaj për llojin e kancerit apo trajtimin që po merr.

46-vjeçari nga Puerto Rikan ka postuar një foto të dorës së tij me një rrip identifikues nga spitali Orlando Health.

“Sot po, por nesër nuk do të kem kancer. Urimet e mira janë të mirëpritura”, tha Don Omar, duke shtuar:“Shihemi se shpejti”.

Omar përfundoi pjesën e parë të turneut të tij Back To Reggaeton nëpër SHBA dhe Kanada në prill dhe do të fillojë pjesën e dytë në gusht. Deri më tani turneu i tij nuk është anuluar.

Omar, emri i vërtetë i të cilit është William Omar Landron Rivera, u bë i njohur në fillim të viteve 2000.

Ai ka publikuar tetë albume në studio që nga viti 2003 dhe është nominuar për Latin Grammy Awards 13 herë, duke fituar dy herë.