Këngëtari “shpërthen” ndaj muzikës së Mozzik, por ja përgjigjja epike e reperit

Një deklaratë e këngëtarit Sinan Vllasaliu kundrejt reperëve, Mozzik dhe Don Xhon, për këngën e tyre të re u shpërnda shumë në rrjetet sociale, teksa pa frikë mund të themi se është bërë virale.

Ai u shpreh gjatë një interviste për mediat, se teksti i dy artistëve është “turp i botës”.

“A është normal ky, çka i duket mirë, çka janë këto fjalë, ky është turpi i botës, nëse e merr gjuhën e rrugës të bësh karrierën kjo është zero, nuk kam koment.”– u shpreh Sinani.

Por siç duket Vllasaliu nuk ka mbetur pa përgjigje.
Së fundmi ka ardhur edhe reagimi i reperit te njohur, Mozzik, i cili me anë të një komenti në Facebook u shpreh se këngëtarin do ta ftojë në synetin e të birit.

“Faleminderit Axha Sinan. Besën e Zotit e ke që m’fal Zoti djalë, n’syneti t’tij ti ki me qenë këngëtari.” – tha Mozzik.
Ndërsa, deri më tani akoma nuk është bërë një replikë nga reperi tjetër i përfshirë në ngjarje, Don Xhoni, sepse këngën e kishin së bashku.