“Keni marrë peng shkollën!” Dekani i Juridikut- studentëve: I keni vënë fytyrën dhe emrin tuaj këtij procesi… ku do shkoni ju?

Studentët e Universiteteve të Tiranës vijojnë bojkotin e mësimit dhe ngujimin në ambientet e Fakulteve.

Gjatë një takimi me studentët e Juridikut, deklani i këtij Fakulteti, Artan Hoxha u ka bërë thirrje që të ndërpresin protestën, pasi kanë marrë peng shkollën.

Hoxha nga zyra e tij, në mbledhjen me disa studentë ka deklaruar se në ato ambiente gjendet pasuria e fakultetit.

Dekani është shprehur:

Ju keni marrë peng shkollën. Jeni studentë të juridikut. Ju keni pasurinë e shkollës atje. Keni gjithë dokumentacionin. Po t’ju ndodhë gjë (dokumenteve) ku do shkoni ju? Ju keni vënë fytyrën dhe emrin tuaj gjithë këtij procesi”.

Risjellim në vëmendje se protesta e studentëve ka nisur prej fillimit të dhjetorit të viti të kaluar, por u ndërpre për disa ditë në festat e fundvitit.

Studentët u rikthyen sërish në muajin janar ku protesta ka marrë përmasa edhe më të mëdha, krahas bojkotit studentët edhe sot janë të ngujuar në Fakultete.