Kërcet arma në Shkallnur të Durrësit, në konflikt përfshihet edhe një punonjës policie

Një incident i rëndë është regjistruar në zonën e Shkallnurit, në Durrës, ku raportohet për të shtëna me armë zjarri pas një konflikti mes Denis Tafilit dhe Edison Gjuzit.

Sipas informacioneve paraprake, në përplasjen mes palëve dyshohet se është përfshirë edhe një punonjës policie. Burimet bëjnë me dije se gjatë konfliktit është qëlluar me armë zjarri, ndërsa rrethanat e plota të ngjarjes janë ende në hetim.

Po sipas të dhënave paraprake, Denis Tafili rezulton person në kërkim nga Prokuroria e Posaçme Kundër Korrupsionit dhe Krimit të Organizuar (SPAK).

Forcat e policisë kanë mbërritur në vendngjarje dhe kanë nisur veprimet hetimore për zbardhjen e plotë të dinamikës së konfliktit, identifikimin e personave të përfshirë dhe verifikimin e përdorimit të armës së zjarrit.

Publik.al do të sjellë përditësime sapo të ketë informacione zyrtare nga autoritetet