Kërceu me gratë në Fier, Basha komenton veprimin e Ramës: Puro propagandë, s’funksionon

Kreu i PD-së, Lulzim Basha ka komentuar takimin e kryeministrit Rama me banorët e Fierit Ditën e sotme, ku  kreu i Qeverisë ftoi gratë e zonës që të kërcenin, kjo me rastin e 8-marsit.

I ftuar në emisionin “Zonë e Lirë”, Basha tha se kjo ishte një tjetër propagandë e radhës e kryeministrit, ndërsa shton se nëse gjërat vijojnë kështu, Shqipëria ka marrë fund sipas tij.

“Tani i pashë. Nuk është se më ngjallin ndjenjë. Ajo është puro propagandë. Kjo është një propagandë që nuk funksionon. Rama e qan propagandën. Ai e ka qejf atë. Beteja që kemi nisur është veprim i paprecedent, por tani ka ardhur momenti.  Po vijoj kështu, ky vend ka marrë fund”, tha Basha.