Kërkohet masë disiplinore për avokaten Eni Çobani

Eni Çobani, avokate në emisionin “SHIHEMI NË GJYQ” ka thyer bojkotin e avokatëve.

Avokatja Çobani ka marrë pjesë në një seancë gjyqësore në Gjykatën e Përmetit ku dihet që avokatët në të gjithë vendin kanë 1 muaj që po bojkotojnë seancat gjyqësore si kundërshtim ndaj hartës së re gjyqësore në vend. Avokatët e Përmetit janë ndeshur me avokaten Çobani në hyrje të gjykatës por ajo ka hyrë në godinë duke thyer bojkotin.

Dhoma e Avokatisë së Gjirokastrës ku pjesë janë edhe avokatët e Përmetit, ka siguruar procesverbalin e seancës gjyqësore në Gjykatën e Përmetit dhe i ka dërguar Komitetit të Disiplinës të Dhomës Kombëtare të Avokatisë në Tiranë, një ankesë ku i kërkohet marrja e masave ndaj Eni Çobanit me heqjen e licensës.