Kjo është fleta e votimit për zgjedhjet e 25 prillit

Kryekomisioneri Shtetëror i Zgjedhjeve, Ilirjan Celibashi ka rrëzuar kërkesën e Partisë Socialiste që në fletët e votimit për zgjedhjet e 25 prillit, kandidatët të shënohen me numra dhe jo me emra.

Në këtë mënyrë, KQZ vendos që në fletët e votimit të jenë me emra siç edhe u vendos mbrëmjen e shkuar. Kështu, në çdo qark, fleta e votimit do të ketë emrat e kandidatëve për deputetë të secilit qark.

“Kandidatët do ë identifikohen me emër, fonti i fletës së votimit do të jetë ndryshe për çdo qark”, tha Celibashi.

Kujtojmë se Partia Socialiste kishte propozuar pranë KQZ, kërkesën që kandidatët në fletët e votimit të identifikohen me numra, e jo me emër e mbiemër.

Por me vendimin e ri të Ilirjan Celibashit, kjo kërkesë nuk është miratuar, pasi dhe më herët, ai deklaroi se shënimi i emrave shkon me përputhje me Kodin Zgjedhor, si dhe shtoi se është më ndihmuese për zgjedhësit, në mënyrë që të mos jenë konfuz në ditën e zgjedhjeve.

“Vlerësimi i fletës së votimit ku kandidatët janë të shënuar me emra shkon në përputhje me Kodin Zgjedhor. Shënimi i emrave në qendrat e votimit është më ndihmues për zgjedhësit dhe për të mos qenë konfuz në ditën e zgjedhjeve. Të tre variantet, do të ishin në përputhje me kodin Zgjedhor. Ne vlerësomë që varianti i propozuar shkon në përputhej të plotë me kodin zgjedhor. Ai imponon që zgjedhje në lidhje me përmbajtjen e fletës së votimit”,u shpreh Celibashi disa ditë më parë.