Klodian Braho merr drejtimin e SPAK-ut

Klodian Braho do të marrë drejtimin e Prokurorisë së Posaçme pasi siguroi shumicën e votave në garën për kreun e ri të SPAK. Në mbledhjen e Këshillit të Lartë të Prokurorisë, ai mori 7 vota, duke lënë pas tre kandidatët e tjerë.

Adnan Xholi u rendit i dyti me 3 vota, ndërsa Elvin Gokaj u mbështet nga vetëm një anëtar i këshillit. Doloreza Musabelliu nuk arriti të marrë asnjë votë.

Me këtë rezultat, Braho do të udhëheqë institucionin për tre vitet e ardhshme, duke pasuar Altin Dumanin. Ai pritet të marrë zyrtarisht detyrën më 19 dhjetor, moment që shënon fillimin e mandatit të tij si drejtues i SPAK.

Si u votua nga anëtarët e KLP-së

• Sokol Stojani – Adnan Xholi

• Moisi Duda – Klodian Braho

• Olger Eminaj – Klodian Braho

• Erind Merkuri – Adnan Xholi

• Mirela P. Bogdani – Klodian Braho

• Vatë Staka – Adnan Xholi

• Ledina Riza – Klodian Braho

• Erind Gërmenji – Klodian Braho

• Zeqir Hoda – Klodian Braho

• Arta Mandro – Klodian Braho

• Erion Fejzulla – Elvin Gokaj

Përmbledhja e rezultatit final:

• Klodian Braho – 7 vota

• Adnan Xholi – 3 vota

• Elvin Gokaj – 1 votë

• Doloreza Musabelliu – 0 vota