Inspektorati Kombëtar i Mbrojtjes së Territorit ka nisur paraditen e sotme një aksion për prishjen e objekteve pa leje në Gjirin e Lalzit.
IKMT njofton se sot do të prishen 30 objekte shërbimi të funksioneve të ndryshme, kryesisht bare dhe restorante, pasi janë të gjitha pa leje.
“IKMT prish 30 objekte në Gjirin Lalëzit. Inspektorati Kombëtar i Mbrojtjes së Territorit ka nisur mëngjesin e sotëm një operacion në Gjirin e Lalzit. Do të prishen 30 objekte me funksione shërbimi, një deri në dy kate, me konstruksione druri dhe metalike. Objektet janë të gjitha pa leje”, njofton IKMT dhe ndan videon e mëposhtme.
