Kodi i ri i reformës zgjedhore Rama-Berisha goditje fatale për PD në zgjedhjet e ardhshme

Në diskutimet për draftin e ri për Reformën Zgjedhore, përfaqsuesit e e Berishës dhe të Ramës kanë rënë dakord që një pjesë e listave të mbyllen sërish. Por ky veprim mesa duket është një rikoshet i madh që do i kthehet Partisë Demokratike tashmë të drejtuar nga Sali Berisha.

Praktikisht për PD e kanë mbyllur totalisht listen dhe sipas llogaritjeve kjo forcë politike del me rezultate më të dobëta në zgjedhjet e ardhshme.

Kështu, qarku Tiranë ka 36 mandate. 12 mandate janë në listën fikse dhe i zgjedh kryetari i partisë sipas preferences se tij.

PD ka marrë 16 mandate çka do të thotë do të garojnë 36 veta për 4 pozicione nga të cilat 1/3 duhet te jenë femra. Keta 12 që janë te lista e mbyllur nuk do te votohen nga qytetarët madje nuk do e kenë emrin as në listë.

Në listë do jenë vetëm ata 36 që do konkurojnë për 4 vende të PD.

Emrat që janë te lista e mbyllur nuk mund të jenë te lista e hapur, pra duhet të jenë emra të ndryshëm në 2 listat. Ne këtë menyrë kemi dy kategori deputetësh,  atë të kryetarëve dhe ata të popullit.