Komisioneri Varhelyi porosi të qartë për Shqipërinë

Pas hapjes së procedurave për dy vende vakante në Gjykatën Kushtetuese, komisioneri për Negociatat e Zgjerimit dhe Fqinjësisë, Oliver Varhelyi, thotë se është me rëndësi që autoritetet të mbështesin këtë proces.

Ai thotë se Gjykata Kushtetuese duhet të formohet përpara konferencës së parë ndërqeveritare që shënon edhe fillimin zyrtar të procesit të anëtarësimit të një vendi kandidat.

“Mirëpres hapjen e procedurave të aplikimit për 2 vakancat për në Gjykatën Kushtetuese. Është thelbësore që të gjitha autoritetet ta mbështesin këtë proces pa vonesë. Kjo është një kërkesë kryesore e Këshillit Evropian. Të ketë përfundime para Konferencës së Parë Ndërqeveritare. BE vazhdon të mbështesë Shqipërinë në rrugën e saj të pranimit”, ka shkruar komisioneri Varhelyi në Twitter.